الشرح ده بيوريك إزاي تنصّب ووردبريس على استضافتك من لوحة تحكم cPanel في أقل من ٥ دقايق، من غير ما تنزّل أي ملفات ولا تعمل قاعدة بيانات بإيدك. في آخر الشرح هيكون موقعك شغال وجاهز إنك تدخل على لوحة تحكمه.
قبل ما تبدأ
- بيانات الدخول للـ cPanel — تلاقيها في منطقة العميل تحت «منتجاتي وخدماتي».
- الدومين يكون مربوط بالاستضافة وشغال.
- جهّز اسم مستخدم وكلمة مرور قوية للوحة تحكم ووردبريس قبل ما تبدأ.
شرح فيديو
١. ادخل على لوحة تحكم cPanel
سجّل دخولك على منطقة العميل، افتح الخدمة من «منتجاتي وخدماتي»، واضغط على Login to cPanel.
٢. افتح Softaculous
من خانة البحث اللي فوق في cPanel اكتب Softaculous، أو دوّر على قسم Software وهتلاقي Softaculous Apps Installer. اضغط عليه.
٣. اختار ووردبريس واضغط Install
هتلاقي ووردبريس أول تطبيق في القايمة. اضغط عليه وبعدين اضغط Install Now.
٤. املا بيانات التنصيب
- Choose Protocol: اختار https:// لو شهادة SSL متفعّلة على الدومين، وده الوضع الافتراضي عندنا.
- Choose Domain: اختار الدومين اللي عايز تنصّب عليه.
- In Directory: سيبها فاضية لو عايز الموقع يفتح على الدومين مباشرة. لو سبت فيها كلمة زي wp، الموقع هيفتح على yourdomain.com/wp وده غالبًا مش اللي إنت عايزه.
- Site Name و Site Description: اكتب اسم موقعك ووصف قصير. تقدر تغيّرهم بعدين.
٥. اضبط حساب المدير
ده أهم جزء في الشرح من ناحية الأمان:
- Admin Username: ما تسيبهاش admin. الاسم ده أول حاجة بتتجرب في هجمات تخمين كلمات المرور.
- Admin Password: كلمة مرور طويلة فيها حروف وأرقام ورموز.
- Admin Email: بريد شغال بتدخل عليه فعلًا — منه هتستقبل رابط استعادة كلمة المرور.
٦. اختار اللغة واضغط Install
من Select Language اختار العربية، وبعدين انزل تحت واضغط Install. التنصيب بياخد من دقيقة لدقيقتين.
٧. ادخل على موقعك
بعد ما يخلص هيظهرلك رابطين: رابط الموقع، ورابط لوحة التحكم. لوحة التحكم بتكون على yourdomain.com/wp-admin. سجّل دخولك بالبيانات اللي حطيتها في الخطوة ٥.
لو ظهرت لك مشكلة
- الموقع بيفتح صفحة الاستضافة الافتراضية بدل ووردبريس — غالبًا الدومين لسه ما وجّهش على الاستضافة. تغيير أسماء الخوادم بياخد من ٤ لـ ٢٤ ساعة.
- رسالة إن المجلد مش فاضي — يعني فيه ملفات موجودة في مجلد الموقع. امسحها من مدير الملفات أو نصّب في مجلد تاني.
- نسيت كلمة مرور لوحة التحكم — تقدر تغيّرها من phpMyAdmin في cPanel.
الأدوات نفسها ماتغيرتش، بس أسماءها ومكانها اتغيروا:
- Softaculous ← مركز Websites في مركز Websites
- phpMyAdmin ← مركز Databases في مركز Databases
أسرع طريقة: اضغط Ctrl + K واكتب الاسم القديم وهيوديك عليها على طول.
الخطوة الجاية
- شرح تركيب قالب وردبريس.
- شرح لوحة تحكم ووردبريس.
- شرح طرق حماية موقع WordPress من الثغرات الأمنية.
محتاج مساعدة؟
لو الخطوات ما نفعتش، افتح تذكرة من منطقة العميل وابعتلنا اسم الدومين وصورة للرسالة اللي ظهرتلك.
