مكتبة الشروحات

الشرح ده بيوريك إزاي تعمل حساب بريد إلكتروني باسم دومينك — زي info@yourcompany.com — من لوحة تحكم cPanel. بياخد أقل من دقيقتين، وفي آخره هيكون البريد جاهز تستخدمه من المتصفح أو من موبايلك.

قبل ما تبدأ

• بيانات الدخول للـ cPanel من منطقة العميل تحت «منتجاتي وخدماتي».
• الدومين يكون مربوط بالاستضافة.
• جهّز كلمة مرور قوية — حسابات البريد من أكتر الحاجات اللي بتتعرض لمحاولات تخمين.

شرح فيديو

١. ادخل على cPanel

سجّل دخولك على منطقة العميل، افتح خدمة الاستضافة، واضغط Login to cPanel.

٢. افتح Email Accounts

من قسم Email اضغط على Email Accounts، وبعدين اضغط زرار Create.

٣. اكتب اسم الحساب

• Domain: اختار الدومين لو عندك أكتر من واحد على نفس الاستضافة.
• Username: الجزء اللي قبل علامة @. الأسماء الشائعة للشركات: info و sales و support و accounts.

٤. اضبط كلمة المرور والمساحة

• Password: استخدم زرار Generate عشان يطلعلك كلمة مرور قوية، واحفظها في مكان آمن.
• Storage Space: حدد المساحة بالميجابايت، أو اختار Unlimited لو خطتك بتسمح. المساحة دي بتتخصم من مساحة استضافتك الكلية.

اضغط Create والحساب هيتعمل على طول.

٥. افتح بريدك

من نفس الصفحة اضغط Check Email جنب الحساب، أو ادخل مباشرة على yourdomain.com/webmail وسجّل دخولك بالبريد الكامل وكلمة المرور.

٦. اربطه بموبايلك أو ببرنامج البريد

اضغط Connect Devices جنب الحساب، وهتلاقي كل الإعدادات المطلوبة: اسم الخادم للوارد والصادر، والمنافذ المشفّرة. استخدم إعدادات Secure SSL/TLS دايمًا مش الإعدادات غير المشفّرة.

لو ظهرت لك مشكلة

• رسالة إن الحساب موجود بالفعل — يبقى فيه حساب بنفس الاسم، أو فيه Default Address بيستقبل كل الرسايل.
• البريد اتعمل بس الرسايل مش بتوصل — راجع سجلات MX الخاصة بالدومين، خصوصًا لو بتستخدم Google Workspace أو خدمة بريد خارجية.
• الرسايل الطالعة بتروح سبام — ده موضوع منفصل، وحله توثيق الدومين بـ SPF و DKIM و DMARC.

الخطوة الجاية

• إعداد بريد شركتك على Outlook.
• إعداد حساب البريد الالكتروني على أجهزة iPhone و iPad.
• ليه رسايل موقعك بتروح في السبام وإزاي تحلها.

محتاج مساعدة؟

افتح تذكرة من منطقة العميل وابعتلنا اسم الدومين واسم حساب البريد اللي عندك مشكلة فيه.