مكتبة الشروحات

لو فيه أكتر من شخص في شركتك محتاج يدخل حسابكم عندنا — محاسب يتابع الفواتير، أو مبرمج يفتح تذاكر — ماتديهمش كلمة مرورك. اعمل لكل واحد دعوة بصلاحيات محددة.

ليه الدعوة أحسن من مشاركة كلمة المرور

• كل واحد بيدخل ببريده وكلمة مروره، وتقدر تشوف مين عمل إيه.
• بتدي كل واحد اللي يخصّه بس — المحاسب مايوصلش لإدارة الدومينات.
• لو حد مشي من الشركة، بتشيل وصوله في ثانية من غير ما تغيّر كلمة مرورك.
• كلمة مرورك بتفضل معاك إنت بس.

الخطوات

١. ادخل منطقة العميل

٢. افتح إعدادات الحساب

من القايمة العلوية تحت اسمك.

٣. اختار إدارة المستخدمين

٤. اكتب بريده وحدّد صلاحياته

اكتب بريد الشخص، وبعدين علّم على الصلاحيات اللي هتديهاله بس. الصلاحيات بتتقسم لمجموعات زي:

• الملف الشخصي — تعديل بيانات الحساب.
• الفواتير والمدفوعات — عرض الفواتير والدفع.
• الخدمات — إدارة الاستضافة وطلب الترقيات.
• الدومينات — تغيير أسماء الخوادم وإدارة النطاقات.
• تذاكر الدعم — فتح التذاكر والرد عليها.

٥. ابعت الدعوة

هتوصله رسالة فيها رابط قبول. لو مش عنده حساب عندنا، هيعمل واحد بنفس البريد وبعدها بيلاقي حسابك ظاهر عنده.

أمثلة عملية للتوزيع

• المحاسب — الفواتير والمدفوعات بس.
• المبرمج أو شركة التصميم — الخدمات وتذاكر الدعم، من غير الفواتير ولا الدومينات.
• الشريك أو المدير — كل الصلاحيات.

إزاي تشيل مستخدم

من نفس صفحة إدارة المستخدمين، هتلاقي جنب كل واحد خيار تعديل الصلاحيات أو إزالته. الإزالة بتشتغل فورًا.

راجع القايمة دي كل فترة وشيل أي حد مابقاش شغال معاك. ودي حاجة بتتنسى كتير.

مشاكل شائعة

• الدعوة ماوصلتش — يشوف مجلد السبام، واتأكد إن البريد مكتوب صح.
• قبل الدعوة ومش شايف حاجة — لازم يبدّل للحساب بتاعك من قايمة الحسابات عنده، مش بيشوفه تلقائيًا.
• مش قادر يفتح تذكرة — صلاحية التذاكر مش متعلّمة.
• عايز أنقل ملكية الحساب كلها — دي مش دعوة مستخدم. افتح تذكرة عشان دي محتاجة إجراء تحقّق من الطرفين.

الخطوة الجاية

• شرح كيف يتم الدخول على منطقة العميل.
• منتجاتي وخدماتي.
• كتابة تذكرة جديدة من منطقة العميل.

محتاج مساعدة؟

لو محتار توزّع الصلاحيات إزاي على فريقك، افتح تذكرة واحكيلنا مين بيعمل إيه وهنقترح عليك التوزيع.