لو رسايل موقعك بتوصل في صندوق السبام بدل صندوق الوارد، السبب في أغلب الحالات مش الاستضافة. السبب إن السيرفر المستقبِل مش قادر يتأكد إن الرسالة طالعة من دومينك فعلًا.
الحل المختصر
وثّق دومينك بتلات سجلات:
- SPF — بيحدد مين مسموح له يبعت باسم دومينك.
- DKIM — بيحط توقيع مشفّر على كل رسالة تطلع منك.
- DMARC — بيقول للسيرفر المستقبِل يعمل إيه لو التوثيق فشل.
التلاتة مع بعض، مش واحد أو اتنين. من سنة ٢٠٢٤ بقى ده شرط أساسي عند Gmail و Outlook مش مجرد توصية. وتقدر تركّب SPF و DKIM بضغطة واحدة من أداة Email Deliverability في لوحة تحكم cPanel.
تصحيح لمعلومة قديمة
كانت في نصيحة منتشرة بتقول إنك تتصل بـ Hotmail أو Gmail وتبلغهم بالمشكلة، و«تتوقّع اتفاقية» بينك وبينهم تاخد أسبوع. الكلام ده مبقاش صح — مفيش شركة بريد بتوقّع اتفاقيات مع أصحاب المواقع. لو عايز تتابع سمعة دومينك عندهم، استخدم Google Postmaster Tools وMicrosoft SNDS، والاتنين مجانيين.
محتاج مساعدة؟
افتح تذكرة من منطقة العميل وابعتلنا اسم الدومين، ونسخة من Show original لرسالة راحت في السبام.
