مكتبة الشروحات

الشرح ده بيوريك إزاي تضيف عنصر لقائمة موقع ووردبريس أو تشيله، وإزاي تعمل قوائم منسدلة فرعية. كل ده من مكان واحد ومن غير أي كود.

قبل ما تبدأ

• بيانات الدخول للوحة تحكم ووردبريس بحساب مدير.
• الصفحات اللي هتضيفها للقائمة تكون منشورة، مش مسودات.

شرح فيديو

١. افتح صفحة القوائم

من لوحة التحكم اضغط مظهر ثم القوائم. لو الخيار ده مش ظاهر عندك، يبقى قالبك بيستخدم محرر المواقع الجديد — في الحالة دي القائمة بتتعدّل من مظهر ثم المحرر.

٢. اختار القائمة اللي هتعدّلها

لو عندك أكتر من قائمة، اختارها من القايمة اللي فوق واضغط اختيار. ولو لسه مفيش قائمة، اضغط إنشاء قائمة جديدة وسمّيها.

٣. ضيف عنصر جديد

على الشمال هتلاقي صناديق: الصفحات والمقالات وروابط مخصصة والتصنيفات. علّم على اللي عايزه واضغط إضافة إلى القائمة.

لو عايز تحط رابط لموقع خارجي أو لرقم واتساب، استخدم روابط مخصصة واكتب الرابط والنص اللي هيظهر.

٤. رتّب العناصر

اسحب العنصر بالماوس لفوق أو لتحت عشان تغيّر ترتيبه.

٥. اعمل قائمة منسدلة فرعية

اسحب العنصر شوية ناحية الشمال تحت العنصر اللي فوقه، وهتلاقي كلمة «عنصر فرعي» ظهرت جنبه. كده بقى بند منسدل تحت العنصر الرئيسي.

٦. شيل عنصر

اضغط على السهم الصغير جنب العنصر عشان يتفتح، وبعدين اضغط إزالة. ده بيشيله من القائمة بس — الصفحة نفسها بتفضل موجودة على الموقع.

٧. حدد مكان القائمة واحفظ

تحت في إعدادات القائمة، علّم على مكان العرض — القائمة الرئيسية أو الفوتر حسب قالبك. وبعدين اضغط حفظ القائمة.

لو ظهرت لك مشكلة

• عدّلت وحفظت والقائمة ما اتغيرتش على الموقع — امسح الكاش من إضافة التخزين المؤقت ومن المتصفح.
• القائمة الجديدة مش ظاهرة خالص — غالبًا ما حددتش لها مكان عرض في الخطوة ٧.
• العنصر الفرعي مش بينزل منسدل — بعض القوالب بتدعم مستوى واحد بس من التفرّع.

الخطوة الجاية

• شرح إنشاء القوائم في ووردبريس.
• قوائم Mega menu في ووردبريس.
• اضافه صفحة جديدة في ووردبريس.

محتاج مساعدة؟

افتح تذكرة من منطقة العميل وابعتلنا اسم الدومين واسم القالب اللي بتستخدمه.