تغيير أسماء الخوادم هو اللحظة اللي بيتحوّل فيها موقعك للسيرفر الجديد. لو عملتها صح، الزوار مش هيحسّوا بحاجة. لو عملتها في الوقت الغلط، موقعك ممكن يقف يوم كامل.
القاعدة الوحيدة اللي تفتكرها: انقل المحتوى الأول، اتأكد إنه شغّال، وبعدين غيّر التوجيه. العكس بيخلي زوارك يقعوا على سيرفر فاضي.
ليه بياخد وقت
سجلات النطاق مخزّنة مؤقتًا في سيرفرات كتير حول العالم، وكل واحد بيحدّثها حسب مدة اسمها TTL. لحد ما الكل يحدّث، بيبقى فيه ناس بتشوف السيرفر القديم وناس بتشوف الجديد.
عشان كده لازم السيرفرين يكونوا شغّالين بنفس المحتوى خلال المدة دي.
الخطوات بالترتيب
١. قلّل TTL قبل النقل بيومين
الخطوة دي بتختصر مدة الانتشار بشكل كبير وناس قليلة بتعملها.
من لوحة إدارة الدومين، غيّر قيمة TTL لسجلاتك من الافتراضي (غالبًا ١٤٤٠٠ ثانية) لأقل قيمة:
سيبها يومين عشان السيرفرات حول العالم تلتقط القيمة الجديدة. وبعد كده أي تغيير هينتشر في دقايق بدل ساعات.
وبعد ما النقل يخلص بأسبوع، رجّعها لقيمتها الطبيعية.
٢. انقل المحتوى كامل
الملفات وقواعد البيانات والبريد. السيرفر الجديد لازم يكون نسخة كاملة من القديم.
٣. اختبر على السيرفر الجديد قبل التوجيه
عدّل ملف hosts على جهازك:
مكان الملف: على ويندوز C:\Windows\System32\drivers\etc\hosts، وعلى ماك ولينكس /etc/hosts.
افتح موقعك دلوقتي — إنت بتشوف السيرفر الجديد والعالم كله لسه على القديم. راجع كل حاجة، وامسح السطر بعد ما تخلص.
٤. اختار وقت هادي
راجع إحصائياتك واعرف أقل ساعة زيارات — غالبًا بين ٣ و ٦ الفجر بتوقيت مصر. ولو متجر، تجنّب أيام الذروة ومواسم العروض.
٥. غيّر أسماء الخوادم
من لوحة مسجّل الدومين، غيّرها لأسماء خوادمنا. هتلاقيها في رسالة تفعيل حسابك وفي صفحة الخدمة في منطقة العميل.
٦. خلال فترة الانتشار
- سيب السيرفرين شغّالين.
- راقب الاتنين — لو موقعك بيستقبل طلبات أو تسجيلات، ممكن تيجي على أي واحد فيهم.
- ما تعملش تعديلات على المحتوى خلال الفترة دي — التعديل على واحد مش هيظهر على التاني.
٧. اتأكد إن الانتشار خلص
لو الاتنين رجّعوا عنوان السيرفر الجديد، الانتشار قارب يخلص. واستخدم أدوات فحص الانتشار العالمية عشان تشوف الوضع من دول مختلفة.
٨. بعد الانتشار
- راجع البريد — ابعت رسالة تجريبية.
- ظبّط SPF و DKIM و DMARC.
- اتأكد إن شهادة SSL اتصدرت.
- سيب السيرفر القديم شهر.
حالة خاصة: نقل بدون توقف تمامًا
لو موقعك مش بيستقبل بيانات من الزوار — موقع تعريفي أو مدونة — التوقف صفر فعليًا لأن السيرفرين بيقدّموا نفس المحتوى.
لكن لو موقعك متجر أو منتدى، فيه احتمال إن طلب أو تسجيل ييجي على السيرفر القديم بعد ما تكون نقلت قاعدة البيانات. الحل: حط الموقع في وضع قراءة فقط لساعتين وقت النقل، أو راجع السيرفر القديم بعد الانتشار وانقل أي بيانات جديدة يدوي.
الخطوة الجاية
- انقل موقعك لاستضافة مصر مجانًا: الخطوات والمدة.
- كيفيه تعديل اسم الخادم NS من منطقة العميل.
- خطأ DNS_PROBE_FINISHED_NXDOMAIN وإزاي تحله.
محتاج مساعدة؟
افتح تذكرة وابعتلنا اسم الدومين ونوع الموقع، وهنساعدك تختار التوقيت وتراجع قبل التوجيه.
